የደመራ እና የመስቀል በዓል በሰላም መጠናቀቁ ተገለጸ።
በመላው የአማራ ክልል የተከበረው የ2019 ዓ.ም የደመራ እና የመስቀል በዓል ምንም ዓይነት የፀጥታ ችግር ሳይገጥመው በሰላም መጠናቀቁን የአማራ ክልል ፖሊስ ዋና ጠቅላይ መምሪያ አስታውቋል።
በዓሉ በሰላም ተከብሮ እንዲጠናቀቅ የፀጥታ ኃይሉ ባደረገው ከፍተኛ ቁርጠኝነት፣ ቀን ከሌት በመትጋትና በቅንጅት በመስራቱ እንደሆነ የተገለጸ ሲሆን ዋና ጠቅላይ መምሪያው ለፀጥታ አካላት ላበረከቱት አስተዋጽኦ ምስጋና አቅርቧል።
በተጨማሪም መላው የክልሉ ህዝብ ከፀጥታ አካላት ጎን በመቆም፣ አስፈላጊውን ትብብርና ጥንቃቄ በማድረግ በዓሉ በሰላም እንዲያልፍ ላሳየው አጋርነትና ከፍተኛ ትብብር የአማራ ክልል ፖሊስ ዋና ጠቅላይ መምሪያ ምስጋናውን አስተላልፏል።
